للدلالة على الخير منطول بواسطة بيالة شاهي

السلام عليكم ورحمة الله وبركاته
صباحكم/ مسائكم ,,خير ومعطر بذكر الله
حيا الله الرجال..

اقلطو..

يامرحبا بالرجال اللي تعز الرجال=ترحيبتاً يقلق الحاقد من حروفها

قامت تلوح البروق وجات نود الشمال=والناس نبلش بواصفها وموصوفها

احم :

اخبار علوم؟؟

يالله ريّح وارتاح وخذلك فنجال قهوه بعويدي وزعفران ..
وافتح مخيخك وخذ العلم مني..

السالفه ومافيها اني شايف محاضره للشيخ / محمد العريفي
الله يطول بعمره ويجزاه كل خير على أعماله
ويجمعنا فيه بجنات النعيم..
و لا انسى وش شفت..

برنامج اسمه حملة فاز من حياته إنجاز
>>>>>>>>أدري إني قدييييييييييييم

لكن والله يااخوان راااائعه جداً
بصراحه ماشفتها كلها.. هي مقتطفات
بعد ماانتهت حسيت اني واحد متفررررررج بالدنيا وماعندي سالفه ابددد

واني لازم اطرح هالموضوع واتحرك معكم
..اذكرو أهل القبور كيف يتمنون لحظه من اللحظات اللي نعيشها
عاد اللي فهمته ولحقت عليه..

من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الايمان..
يعني كلنا ملزوم علينا الامر بالمعروف والنهي عن المنكر))

علشان يوم القيامه ما تلقالك أحد متعلق فيك وماسك ويشكي ربه لأنك مادليته على الخير أونصحته أو أعنته عن منكر وانت عارف..

و الله يعينك انت اللي فيك مكفيك بذاك اليوم.....>>>>اقصد يوم القيامه ..

(الله يكون بعونا كلنا ..قولو آآمين)

اقوول انت شكلك بديت تنعس من كلامي خلك معي اصحى وخذ فنجال ثاني

'
احم
عندك هنا مشاريع تجيك من وراها ارباااااح بالدنيا والآخره,,..

عندك..
الخدم أو السائقين..
ليه ماتدلهم على الطريق الصحيح ..عطهم قرآن بلغتهم.. كتب دينيه مثلاً أحكام الصيام تراهم مايعرفونها

عندك,,

العامل اللي بالشارع لاتحسسه إن في طبقه بينك وبينه
سلم عليه وابتسم واحسن له مافي فرق بينا إلا بالتقوى
طيب انت شوف نفسك يارجال وين انت وش الطريقه اللي تخدم فيها الاسلام
وتفيد الناس والله يكثر من أمثالك ويجزاك خير.

إن كان عندك قدره تلقي كلمه بمسجدك
أو تكتب بالنت ..

أو تحمل محاضرات .سور قرآن كامله. وتحطها على سيدي أو ترسلها بالبلوتوث

طيب وش رايك بريحة البخور بالمسجد ؟..>>وناااسه

كل من دخل المسجد واستنشق هالريحه الطيبه أدخلت السرور على قلبه ويمكن دعا لك..

صراااااااااااااااااحه
أبواب الخير كلها مفتووووحه قدامنا وتقول حياااااكم
وحنا نطالعها..الله العالم لييييييييين متى؟...
لا وأحسن شي تزور لك مريض وبعد خله يدعي لك
امممممممم ضيعت وش قال الشيخ
اخواني كلها أعمال خير وقدااااااااااااااااااااامنا

لاتصتصغر من المعروف شي<<<<الشيخ قالها

يوم القيامه هالاعمال تفك أزمه ..
كان ودي أقول أشياء كثيره لكن كلها راحت
أذكر آخر شي قاله الشيخ
ليست القضيه أن نجمع المعلومات إنما التأثير بالعمللللللللللل
أسأل الله أن يستعملنا واياكم في طاعته
يعني ..

الله الله بالاعمال الرجّال قول وفعل لايروح عمرك وانت لاشغله ولامشغله للدين..

أسأل الله أن يسهل أموركم ويرزقكم الاخلاص ويوفقكم للخير

ويرزقكم من حيث لاتحتسبون
إنه ولي ذلك والقادر عليه..
يالله سم تفضل هالفنجال

وعطنا علومك وش رايك بهالمشروع.
وان كان عندك تعديلات او اقتراحات
حياااك هاك الدله عندك خذ راحتك..
فمان الله..

انتظار ردودكم

موضوع في قمــة الإبداع

أبدعت في اختيارك للموضوع

واصلْ نشآطك

مشكور على ابداعك تسلم

مشكووور على فنجال القهوه وموضوع مرررره روعه
تقبل مروري<<<<ابغا فنجال ثاني ممكن

القهوه بهيل ولا بدووووون>>>>>ههههههههههههههههههههه

تسلم اخوي على الموضوع ولا تحرمنا جديدك